انا شعري اسود غآامق وصبغته شحال من مره وما تتشدش ليا فيه الصباغه ومليت منو بغيت نبدل شويه جربت هد الخلطه وعطات نتيجه زوينه وشعري بقى رطيطب ما نشفش نهائيا عندها نفس تاثير ديال الصباغه العاديه
هد الوصفه امنه جدا ما فيها حتى خطوره فيها الزيت البلديه والصابون البلدي ما تيخليش الشعر ينشف كنت جربتها لصديقه ديالي وخرج لون شعرها غزال وقبل لعيد جربتها حتى انا وخرج ليا اللون زوين
عندي شروط باش تستعملو هد الوصفه ماخاصكش تكوني عامله الحناء او صباغه سوداء او صباغة الحنه السوداء حيت تيتحرق الشعر وتجيو تقولو ليا هد الوصفه خصرات لينا شعرنا هههههه الله لا يقدر وما تضيفوش نهائيا لبودر ديال الاوكسجين
المهم ندوزو
مقادير
كل وحده على حساب طول شعرها انا شعري واصل تحت صدري حتاجيت
ثلاث قنينات ماء اكسيجين 9 ديال 5دراهم
درهم صابون بلدي نستعمل نص لكثير
وكاس ونص زيت زيتون ديال العنبه
الطريقه
ناخده الزيت البلديه والصابون البلدي نديروهم في كاسرونه فوق النار ونقصو عليه مزيآان ونخليو داك الصابون البلدي حتى يدوب مع التحريك مره مره
ملي يدوب نزولوه من فوق النار ونخليه حتى يبرد ونضيفو ماء الاكسجين ونخلطو كلشي
دبا ندوزو لطريقة صبغ الشعر
نفرقو الشعر على 4 كل جزء نشدوه بمقبط والقدام حتى لاخير حيت تيشد فيه اللون كثر
ملي صبغتوشعري لويتو وحزمتو ببوني بلاستيك وعاد درت فولار خليت الخلطه في شعري ساعتين عاد غسلتو
ومن بعد لغسيل ستعملت ديميلور 4 دقايق عاد شللتو
وملي عملت ليه بروشينك دهنتو بهد سيروم ودورتو ليله كامله حتى لصباح ملي مشيت لدارنا كلشي عجبو اللون حتى خوتي دكور قالو ليا جاك زوين هههه خرج بحال لحرير هههه
النتيجه
شعري خرج في هد اللون غير هو لقدام مع سخون تيخرج مفتوح كثر داكشي علاش قلت لكم كلما عطلتوه كلما مزيان
وكلما عاودتوها شعركم تيبقى يتفتح ويزعار هههه
ان شاء الله عواله نعمل عليهم ليميش او فليشات ملي نقرب نولد ان شاء الله
دعيو معايا نتفك على خير
تعليقات