نصائح لاول زيارة لاهل العريس دخلو البنات تستافدو

m

السلام عليكم ورحمة الله تعالى وبركاته

كيف ماوعدتكم يالبنات ، هانا وفيت بكلمتي ونتمنى نفيدكم بهاد النصائح المتواضعة، ولتعم الفائدة، ارتأيت انني ننزل الموضوع بعنوان مستقل وله دلالة مباشرة ، ايوا باراك علينا من كثرة الكلا م،على بركة الله ؛)
نبداو بلالة العروسة هي الأولى :

فيما يخص اللباس ، فمن الأحسن تلبسي شي قفيطين مزيون و خفيف بشي لون فاتح زاهي، مع البليغة ديالو ، والماكياج يكون حتى هو خفيف بزاف بزاف ، باش تكون طبيعية .

فيما يخص الإستقبال ديال الناس لي جايين يخطبوو، من الأحسن أن الأسرة ديالك هي لي تكلف بهاد المهمة ، يعني الأب أو الأم أو الأخ … من الأحسن أن البنت ماتبانشي من الدقة الأولى، تعمل شوية ديال التقالة ، بصراحة كنعقل في الخطبة ديالي بقيت فبيتي حتى يماه ديال العريس بقات تقول اوا جيبو لنا عروستنا نشوفوها:)

وفيما يخص التعامل في وقت اللقاء ، البنت ماشي خصها تكون مخلوعة مرعودة ماعارفة لاشنوو تسبق ولا توخر، وكذلك ماتكونشي مطلوقة وزاعمة بزاف، خير الأمور أوسطها، البنت تحافظ على الحشمة والحياء ديالها بدون ماتبدا تتلف وتحمار وتخضار ؛)
وهم أهم شيء، هو أنه البنت فهاداك النهار لي غادي يجيو فيها عائلة خطيبها، تنوض تصلي صلاة الفجر ديالها وتقرا سورة يس ، وتدكر مولاها وتسئل العلي القدير أنه يقدم لي فيه الخير !!!

ايوا هادشي لي جاني دابا على بالي

ندوزو دابا للوليمة :

فاش يوصلو عائلة العريس، ويجلسوو يرتاحوو شوية، قدمي لهم حلويات صغار ديال الكريم les petits soirées مرفوقين بأنواع مختلفة من الأعاصير ؛)

وهنا نقتارح عليكم ٢ أنواع غزالين ولدادين ودائما كيحمرو لي وجهي :

العصير 1 : 1 لتر عصير البستان +2 أو 3 بنانات + 1/4 بكية تانك تروبيكال ، يخلط الكل في مولينكس ويدخل يتبرد في التلاجة ، كيجي مداق رائع ومختلف وكلشي كيبقى يسولني شنو عاملة فيه !!

العصير 2 : 1 التر حليب + حفنة يد كركاع + حفنة يد لوز خضر بقشوروو + حفنة يد تمر مقطع + قطيرة صغيرة صغيرة صغيرة ديال روح اللوز (وهنا كنإكد بزاف أنه تكون يالله قطيرة صغيرة وصغيرة بزاف باش ماتعطيناش البنة ديال المرار !!) + سنيدة حسب الذوق، يخلط الكل في مولينكس، ويصفى في الصفاية ويدخل يتبرد في التلاجة ، هذا كيجي حتى هو هائل وممتاز !!!

وإذا حبيتي تزيدي، عملي عصير ديال الحليب ولافوكا ، وعصير الليمون مع الفريز وزيدي معاه واحد البنانة باش كيجي عاقد ؛ وهاكدا كيجيو عندك 4 أنواع ديال الأعاصير هائلة في المذاق وبألوان زاهية رائعة، يعني لذة في المذاق وروعة في المنظر ؛)

اللون البرتقالي : عصير 1

اللون الأبيض: عصير 2

اللون الغوز الغامق: عصير الفريز

اللون الأخضر فاتح : عصير الإفوكا

بالنسبة لصينية ديال اتاي مع دوازها، فعلى حسب الوقت لي جايين فيه الناس، إذا وصلو مع وقت الغداء ، فمن الأحسن يتقدم الغداء مباشرة بعد العصير ، ونخليو الصينية ديال اتاي بدوازها لمور صلاة العصر

أما إذا كانو جاو مع العشية وغادين يتعشاو، فداك الساعة ننزلوو الصينية ديال اتاي بدوازها ، من بعد مانكونوو سربينا العصير ،ومن بعد العشاء.

الصينية ديال اتاي ودوازها : هنا كنقترح أنه من الأحسن يتنزل كلشي فخطرة وحدة، يعني الصينية ديال اتاي وكذلك البلاتو ديال القهوة مرفوقين بطبسيل كبير ومحيدق ديال الفاكية مع التمر + الملاوي + البغرير + الكريب + طارت أو كيكة مزيونة + كرواصة بأنواعها + مملحات إذا أمكن … المهم عينكم ميزانكم وتبارك الله عليكم هادشي راه باين، وبطبيعة الحال شي بلاتو مقاد ديال الحلوة ديال اللوز والشكلاط والفقاص ….

وهنا نقترح عليكم، بالنسبة للبنات لي في مدينة الرباط، كين واحد الفران عندو داكشي غزال وبثمن جد مناسب ، سميتو أبو الفلاح ، كيبيع الحلاوي ديال اللوز ب-٩٠ درهم لكيلو، الشكلاط ب-٦٠ درهم لكيلو، والكاوكاو وما إلى دلك ب-٥٠ درهم لكيلو، وداكشي بصراحة غزال ومنضور وديما كاين وموجود تبارك الله ماشاء الله ، وحاجة أخرى يمكن لكم تذوقو وعاد تشريو باش تشوفو أنتم نيت شنو تاخدوو، غير وكان ماتغلقوش بزاف ؛)

وفهاداك البلاتو لي غادين تنزلو ديال الحلوة، الواحد مايكترش عاوتاني بزاف، يعمل 3 نوعات لوز + ٢ نويعات ديال الشكلاط + ماكارون كاوكاو + فقاص، هادشي تبارك الله كافي ووافي

هذا فيما يخص الصينية ديال اتاي بدوازها

وهنا كنقدم لعرايساتنا الله يكمل عليهم بالخير كاملين شي حويجات كنعملهم وكيجيو فنين:)

سمحو لي ، حبيت ننزل لكم الرابط ديال واحد الكيكة كان فايت لي نزلتها ولكن مالقيتهاش، نلقاها وننزلها إن شاء الله

ودابا نمر إلى الوليمة ، هنا كنقول كل واحد وجهدوو ، وتبارك الله حنا المغاربة دار الجود والكرم كاملين ، كلنا ماشاء الله كنعملو داكشي ديال تحميرة الوجه، غير وكان واخا هاكداك غنقدم بعض التفاصيل لي كتزيد تتول و تتوج المجهودات ديالنا .

فمثلا من قبل ، إذا كان هناك إتصال بين البنت والسيد لي جاي يخطبها، تسول أولا على العدد ديال الناس لي جايين معاه ، باش تعرف شحال خصها توجد

وتسول مثلا إذا كان ماماه أو باباه أو شي واحد من لي جايين معاه فيه السكري لا قدر الله، باش تاخدي من بين المشروبات الغازية شي حاجة لايت ، وعند تقديم الديسير تنزلي دانون لينيا ، .. يعني هاكدا كاينين شي تفاصيل لي كتزيد تكبر الواحد فعين الطرف الآخر

بالنسبة للأطباق، إذا الواحد بغا يعمل الدجاج بطريقة مختلفة ،ممكن يعمل الدجاج معمر بالشعرية شينواز ولاداند فيمي وشاركيتري ويديهم يتواو في الفران ديال الزنقة ويقدمهم فداك الطبسيل طويل ديال الشواء مرفوقين بسلطات متنوعة مع المعلبات ديال : الدرة (هادوك القبالاة الصغار ) ، قلب النخيل، أنواع مختلفة من الجبن، شاركيتري ، مخللات …

على أي، غادي نحاول ننزل الطريقة بالتفصيل الممل في مرة مقبلة إن شاء الله

بالنسبة للديسير، كنقترح أنك تعملي طبسيل كبير منضور تعمريه بفواكه ألفصل لي كتكون متواجدة بوفرة وبأثمنة جد مناسبة، وتمشي لمرجان لجهة الفواكه وتبقي تاخدي ٢ أو 3 ديال الحبات من كل نوع لي غير متواجد في هذاك ألفصل، وهاكذا كيجي الطبسيل جد جد متنوع ومامقيومش بزاف، وماتنسايش تزيدي من الفوق شي حبات ديال التمر ، كيجيو منيضر:)

ومنين يساليو الناس من الماكلة، وفبلاصة ماتجيبي الطاس، كتنزلي طبيسيل وسط الطبلة، لي فيه سريبتات مطويين بطريقة زوينة ولي سبق لك عملتيهم في الماء دافء منسم بماء زهر:)

وحاجة أخرى، فحالة ماذا حبيتي تعملي سلطة متنوعة في الأول، من الأحسن عمليها فطبسيل كبير ونزلي معاها ٢ أو 3 معالق كبار، وكل واحد حتي قدام أطباق فردية باش ينزل قدامو لي بغا

وماننساوه من الأول نحطو الكويسات ديال الماء والسريبتات …

هادشي لي جاني دابا فبالي

أما فيما يخص التستيفة ديال الهدية ، فكنت قتارحت على الغزالة ديالنا البلبل الصامت واحد الإقتراح : هذا بالنسبة للراجل لي غدي يجيو والديه من بلاصة بعيدة وماكاينش لي غادي يصاوب ويتول لهم داكشي:

الإقتراح: أنها تمشي للمنال، عند واحد السيد سميتو براهيم جاء في الطابق السفلي ، ماشي هاداك لي شاد على مولات الحلوة لي جات في الشوكة، لا، الاخر لي في الجهة الاخرى، المهم ، تمشي لتما وتشوف بعويناتها وتختار، راه كاين دوك الطيافر وصنادق مزيونين فين كيتكلفو هما نيت بتستاف الحوايج،فبالتالي كتمشي البنت بنفسها وتختار داكشي لي بغات ، وتختار حتى الشكيلات ديال الحليب والحنة والقليب لي كيتصاوب فيه التمر، وكتخلي الوصاية عند مول الحانوت باش يوري لخطيبها شنو لي عجبها. وداكشي راه كيتصاوب فساعتوو، يعني حتى السيد مايبقاشي تالف شنو يختار وشنو يعمل … وحتى الأثمن فهي مناسبة وفي المتناول

تعليقات

الاسم

أخبار الفن,15,اخر الاخبار,104,ازالة آثار الحبوب,1,ازالة شعر الوجه,1,أزياء المحجبات,8,أسرة,1,اسلاميات,36,أطباق الدجاج,11,أطباق السمك,31,افكار لمطبخك,39,أفكار وابتكارات,24,أفلام مغربية,3,الأثاث والديكور,42,الأكسسوارات,4,الإنتفاخ تحت العيون,1,الجفاف المهبلي,1,الجيوب تحت العين,1,الجيوب والانتفاخات تحت العين,1,الحمل والولادة,74,الحياة الزوجية,82,الخواسر,1,الخياطة,3,السواد تحت الإبطين,1,الشعر والبشرة,42,الصحة العامة,195,الطريقة الصحيحة لتنظيف المهبل,1,العناية بالبشرة,499,العناية بالجسم,516,العناية بالشعر,357,العناية بالمنطقة الحساسة,15,اللباس المغربي التقليدي,2,المطبخ المغربي,24,المطيخ,18,المكياج والعطور,47,المنطقه الحساسة,19,الموضة و الاناقة,128,النقش والحناء,10,الهاتف والتطبيقات,15,بالفيديو,579,برامج رمضانية,33,تبيض الأسنان,27,تبيض الوجه,1,تبييض البشرة,3,تبييض الرجلين,1,تخسيس الارداف,1,تسمين الوجه,3,تصبغات الجلد,1,تصغير الأنف,1,تصغير الصدر,3,تضيق المهبل,4,تضييق المهبل,1,تطويل الأضافر,1,تطويل الرموش,2,تفتيح البشرة,2,تكبير الأرداف,7,تكثيف الرموش,1,تنظيف المهبل قبل العلاقة الزوجية,1,جديد الأغنية المغربية,21,جديد الجلابة,29,جديد الموضة,48,جلابة المغربية,36,حديث ومغزل مع سناء الزعيم - شهيوات المستمعات,93,حصريات,395,حل,1,حلويات العيد,82,حلويات اللوز,6,حلويات المناسبات,57,حلويات بدون طهي,6,حلويات دواز اتاي,15,حلويات سهلة بالصور,11,حلويات عيد الفطر,5,حلويات عيد ميلاد,23,حلويات مغربية,89,حنان الخضر,11,‏حواء وآدم,29,حوادت,1,حياتك الزوجية و المنزلية,38,خارج الحدود,523,خاص بالرجال,3,خلطات منزلية لتبييض البشرة,1,دنيا الجمال,22,دواز اتاي,3,ديسير,14,رشيد شو,1,رمضانيات,24,رواق العروس,117,ستار اكاديمي 10,1,ستار اكاديمي 11,17,سلسلة الكوبل 2,34,سلطات,7,شد الصدر,18,شد المؤخرة,1,شهيوات الشاف هادي,4,شهيوات رمضان,150,شهيوات عيد الأضحى,25,شهيوات مغربية,96,شهيوات مغربية بالفيديو,3,شوربات,33,صحتكي,147,صوة وصورة,17,طورطات حلويات الكريم,33,طورطات و كيك,123,عادات وتقاليد مغربية,30,عالم المرأة,5,عرائس,87,عصائر ومشروبات,69,عيد الأضحى,4,فساتين السهرة,8,فقدان الوزن,146,فيسبوك,2,فيلم,7,قسم الطاجين,31,قصة الناس,1,قصص,16,قفطان,17,كاميرا خفية,3,كاميرا خفية حماقة,28,كلاص,4,كندورة,1,لالة العروسة,21,لايف ستايل,7,للا العروسة 2014,65,مثلجات,8,مشاكل البقع على البشرة,2,مشاكل و حلول,1,مشروبات باردة,64,مطبخ مغربيات,5,معجنات,106,مغ,1,مغربيات,8640,مفروشات مغربية,1,مقبلات ومملحات,14,مكياج,54,منوعات,13,ميديا,15,نج,1,نجوم ومشاهير,530,نجوم ومشاهير بالقفطان المعربي,15,نسائيات,2,نصائح الدكتورة سناء العيناني,2,وصفات البيتزا,9,وصفات الدكتور عماد ميزاب,41,وصفات خاصة,1,وصفات د.جمال الصقلي,70,وصفات زيادة الوزن,30,وصفات سعيدة شرف,2,وصفات صباحيات 2m,6,وصفات طبيعية لجماللك,162,وصفات لالة مولاتي,1,وصفات لتسمين الجسم,1,وصفات مغربية بالفيديو,14,وصفات مغربية لتكبير الأرداف,17,وصفات مغربية لتكبير الصدر,36,وصفات مغربية لتكبير المؤخرة,28,وصفات مغربیة لزیادة الوزن,4,وصفات هدى اليداري,1,وصفة سهلة,1,يرامج رمضان,2,les gualettes,1,
rtl
item
مغربيات: نصائح لاول زيارة لاهل العريس دخلو البنات تستافدو
نصائح لاول زيارة لاهل العريس دخلو البنات تستافدو
http://www.maghribiyat.com/wp-content/uploads/2016/03/m-3.png
مغربيات
https://www.maghribiyat.com/2016/03/blog-post_71.html
https://www.maghribiyat.com/
https://www.maghribiyat.com/
https://www.maghribiyat.com/2016/03/blog-post_71.html
true
3258634743720346645
UTF-8
تحميل جميع المشاركات لم يتم العثور على أي مشاركات عرض الكل اقرأ المزيد الرد إلغاء الرد حذف بواسطة الصفحة الرئيسية صفحات المشاركات عرض الكل موصى به لك LABEL أرشيف بحث جميع المشاركات لم يتم العثور على أي مشاركة تطابق مع طلبك العودة للصفحة الرئيسية الأحد الإثنين الثلاثاء الأربعاء الخميس الجمعة السبت Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec في هذة اللحظة 1 منذ دقيقة $$1$$ دقائق مضت 1 منذ ساعة $$1$$ منذ ساعات في الامس $$1$$ أيام مضت $$1$$ منذ أسابيع منذ أكثر من 5 أسابيع متابعون إتبع هذا المحتوى الرئيسي مغلق الخطوة 1: المشاركة في شبكة اجتماعية الخطوة 2: انقر فوق الرابط على الشبكة الاجتماعية الخاصة بك انسخ جميع الكود تحديد كامل الكود تم نسخ جميع الرموز إلى الحافظة الخاصة بك ادا لم تتمكن من نسخ الكود / النص, المرجو الضغط [CTRL]+[C] (or CMD+C with Mac) لنسخه