كاطو كلاصي روايال
جينواز :4 بيضات
125غ سكر كلاصي
نصف م ص بودرة فاني
100غ دقيق
25غ بودرة كاكاو لمر لمحروق
- لموس بشكلاط:
200غ شكلاط غيش
3 م ك زبدة بحرارة المطبخ
2 كسان عنبة قشدة طرية سائلة
3 صفر بيض
كاس عنبة سنيدة
نصف كاس عنبة ماء
ملعقة صغيرة من روح كراميل megarom
كاناش: 80غ قشدة طرية للطبخ
120 سنيدة
90غ ماء 4 ورقات جلاتين
50غ كاكاو مر
طريقة تحضيركنخلط لمقادير ديال جنواز عادي بنفس طريقة باش كنخلط كيكة كنصبها في لاطة تقريبا 30cm على 40cm او اصغر شوية وتكون لاطة مغلفة بورق زبدة ندخلها لفرن طيب مدة 10د
لموس بشكلاط:
كنوضع سنيدة وماء فوق نارحتى تدوب سنيدة ويغلى سيرو ويختار ولكين ما يتبدلش ليه لونه يبقى شفاف مباشرة من فوق نار نهز سيرو ونصب فوق 3 صفر لبيض لي وضعنا في بول من زجاج من قبل ونصب سيرو بشوية بحال لخويط وحنا كنطرب بسرعة عالية بطراب كهرابئي حتى نكمل سيرو ونستمر في لخفق مدة 10د تقريبا حتى يبرد لخليط هنا كنكونو عقمنا لبيض تم ناخد زبدا لي بدرجة حرارة المطبخ نضيف طرف بطرف مع تطراب حتى تندامج تم نضيف شكلاط لي دوبنا في حمام مريم يكون دافئ ماشي سخون وتضيفوا على لخليط ونطرب تم روح كراميل ونخلط تم نضيفو لقشدة لي طربنا من قبل ولكين مخاصهاش تكون مطربة مزييييان خاصها تبقى غييير شوية مرخوفة ماشي واقفة بحال كريمة ملي نبغيو نزينو بها صافي نضيفو شيئا فشيأ حتى نحصل على لموس
مونطاج:
كناخد ايطار لي عنمونطيو فيه لحلوه كنوضع فيه جينواز لي سبق وقطعناها بيه نسقيوها بسيرو عادي لي كتعرفو تم نوضع كمية من لاموس ونملسها مزيان وندخلها لكونجيلاتور ليلة كاملة
كاناش:
نأخد كل عناصر لكاناش إلا جلاتين كنوضعهم في كاصرونة ونخلط تم نوضعهم فوق نار حتى يغلي و يختار شوية تم نزول من نار ونضيف جيلاتين لي سبق و رطبناه في لماء ونعصروه ونضيفوه ونخلط بسرعة تم نخرج لكاطو من كونجيلاتور ونصب عليها لكاناش وترجعوه لتلاجة باش يشد راسو
وعندا تقديم زولو ايطار وزينها كيف ما في صورة
وبصحة و راحة ونتمنى متبخلوش عليا بدعواتكم
وشكرا
تعليقات