وصفات الدكتور عماد ميزاب 'وصفات طبيعية للتنحيف'

اليوم في حديث ومغزل مع سناء الزعيم كان معانا في الساعة الثانية الدكتور عماد ميزاب الدكتور في الصيدلو و الأخصائي في التداوي بالأعشاب و قدم لينا وصفات طبيعية للتنحيف : 

* الوصفة الأولى : خيار مقطع دوائر ، الزعتر مطحون ، نصف برتقالة و 2 عريشات من أوراق النعناع و و ننرقدوهم في 2 لتر ماء و نتناولو كأس من المحلول بعد الأكل ب 30 دقيقة 3 المرات في اليوم 

*الوصفة الثانية : 1لتر لبن و الكرافس و كاس صغير من الماء و لب الكرعة الحمراء مفور و نطحنو الكل في خلاط كهربائي و نتناولو كأس كبير ساعة من بعد الغذاء 

*الوصفة الثالثة : كريم مضاد للدهون // 2 معالق كبار من الخردل ، 5 معالق كبار من العسل الحر و 3 المعالق من خل التفاح و معلقة صغيرة من السنيدة و نوضعو الكل في حمام مريم ثم ندهنو به مدة 10 دقائق و نخليوه مدة 50 دقيقة ثم نغسلوه 

*الوصفة الرابعة : 2 معالق كبار من زيت الزيتون ، معلقة كبيرة من زيت الخرواع و 10 نقاط من روح الليمون و ندهنو بالخليط 

*وصفة للحبوب :

 نصف معلقة صغيرة من الزعتر مطحون و معلقة كبيرة من زيت الخرواع و معلقة كبيرة من زيت الخوخ و ندهنو بهم 

* وصفة لازالة البقع :

 معلقة صغيرة من زيت الشاي ، معلقة صغيرة من زيت الخيار و 2 معالق كبار من العسل الحر 

* وصفة للتجاعيد :

الطين الأخضر ، بيضة ، زيت الذرة و معلقة صغيرة من ماء الخيار و ندهنو بهم مدة ساعة 3 المرات في الأسبوع مدة 3 أشهر 

*وصفة للزيادة في الوزن :

زلافة من بلبولة الشعير نضيفو ليها ماء مغلى ونخليوها مغطية يوم كامل في الثلاجة ثم ناخذو 2 معالق كبار منها و نضيفو ليه نصف بنانة و 2 معالق كبار من الياغورت كامل الدسم و معلقة كبيرة من العسل الحر و نتناولو الخليط 2 المرات في اليوم بين الوجبات 

*وصفة للتبييض بالزيوت :

 معلقة كبيرة من زيت السالمية ، معلقة كبيرة من زيت الزعفران الحر و معلقة كبيرة من زيت الزيتون و ندهنو بهم من 40 الى 50 دقيقة 3 المرات في الأسبوع مدة شهرين